Johrsversammeln
in Angeln Audio
De Fördervereen weer mit sien Johrsversammeln an de 30. Oktober 2021 op Wittkielhoff in Stoltebüll to Gast. De Vörsitter Truels Hansen kunn de Amtsvörstaher Thomas Johannsen vun’t Amt Geltinger Bucht un Dr. Klaus Messer vun de Gemeen Stoltebüll begröten. Beide Kommunalvertreders stellen in de Versammeln dat Amt un de Gemeen vör. Se bröchen in ehr Gröten to’n Utdruck, dat de Arbeit vun‘t Plattdüütsch-Zentrum un de Fördervereen en grote Bedüden för de Region hett.
Deelnehmers weren Vertreders vun anner Mitgliedsgemeenen, vun Heimatvereenen, vun de Plattdüütsche Raat S-H, vun dat IQSH un en Reeg private Maten. Tosamen weren goot 40 Lüüd ut de ganze Landsdeel Sleswig anreist. Johannes Callsen as Beopdragte för Minnerheiten un Plattdüütsch müss kortfristig afseggen, wiel he för de Politik in Berlin bruukt wurr. He harr aver sien Gröten as Video-Bott schickt.
Erich Petersen un Truels Hansen sünd dat Vörsittergespann vun de Fördervereen.Mitgliederversammlung 2021 in Angeln
Der Förderverein hält seine Versammlungen grundsätzlich an wechselnden Orten über den Landesteil Schleswig verteilt ab. In diesem Jahr war er auf dem Wittkielhof in Stoltebüll (Angeln) zu Gast. In ansprechender Umgebung konnte Vorsitzender Truels Hansen diverse Amtsträger und viele Mitglieder begrüßen. Der Vorstand und die Zentrumsleitung berichteten über ein reges Miteinander. Trotz der pandemiebedingten Beschränkungen konnten nahezu alle geplanten Veranstaltungen und Projekte durchgeführt werden. Es wurde eine neue Beitragsordnung verabschiedet und ein in Vorbereitung befindliches neues Vereinskonzept vorgestellt und beraten.
Kursprogramm, Umfraag un niege Design
Truels Hansen geev Bericht över de Vörstandsarbeit un de Fördermööglichkeiten för dat Plattdüütsch-Zentrum un Gesa Retzlaff to ehr Arbeitsfeld un wat umsett warrn kunn. Stütt worrn Kurse för Lüüd, de mit Plattdüütsch in Kinnergoorns arbeiden, de Klöönrunnen anbeden wöllt oder de in de Pleeg oder Betreuung ehren Deenst doon. Nieg warrt en Anbott as Bildungsurlaub to Platt lehren an de Nordsee Akademie in Leck. In Coronatieden leep veles wat anners as sunst un mehr digital, aver dat geev keen Stillstahn. Anfang düt Johr is en Umfraag bi all Kommunen in de Landsdeel Sleswig maakt wurrn, um en Indruck vun de Situatschoon in de Region to kriegen un to hören, wat för en Stütt bruukt warrn kann. Mit en niege „Corporate Design“ un allerhand Ideen will de Vereen mehr Mitglieder warven.
Niege Bidragsornen beslaten
In de Daagsornen gung dat wieder mit Kassenbericht un Friespreken vun Kassenwart un Vörstand. De Bericht spegelt en solide Kassenlaag wedder, wiest aver ok keen finanzielle Speelruum ut. Sodennig weer dat konsequent, en niege Bidragsornen mit‘n moderate Erhöhung to besluten – beides leep eenstimmig af.
Niege Rechtsform diskuteert
En Thema drifft de Vereen opstunns besünners an: dat Plattdüütsch-Zentrum bruukt en niege Rechtsform. De Plaan is, dat de Fördervereen sik umstruktureert as Dregervereen, wat denn dat Zentrum noch beter stütten kann. Dorto höört en niege Satzung un en Tostimmen vun’t Land. Erich Petersen verkloort, wodennig de enkelten Gremien un Tostännigkeiten in tokamen Tieden regelt warrn schullen. Ut de Deelnehmerrunn geev dat dorto en poor Fragen un Gedanken, de opnahmen wurrn.
To’n Sluss geev dat noch wat för de Ohren un för’t Hart: Gotje un Lennes Hinrichsen ut Haselund lesen ut dat niege plattdüütsche Kinnerbook „Arlewatt un Ollerup“, dat vun de Fördervereen bi’t Rutgeven gewaltig ünnerstütt worr.
Unse Minnerheitenbeopdragte Johannes Callsen bestell sien Gröten an de Versammeln över Video.
Gotje un Lennes leten de beiden Wichte Arlewatt un Ollerup bi't Vörlesen lebennig warrn.
Günter Herrmann kreeg na de Versammeln vun de Fördervereen dat grote P utgeven.
Sien Warken weer op Pinnwänn utstellt.