platt.best - Drift vun Harten

Vereen Plattdüütsch Zentrum Landsdeel Sleswig e.V.

Logo Platt Best - Dirft vun Harten

Platt för de Groten – Kursideen, de mitrieten Audio

 

Jümmer mehr Lüüd wüllt Plattdüütsch lehren – ok un jüst wenn se al groot sünd un de Schooltiet achter sik hebbt. Dat Interess an Plattdüütsch-Kursen is groot, man dat fehlt an Lüüd, de geern Kurse geven un ehr Weten un Drift för de Spraak wiedergeven wüllt. Enigen kunnen dat licht, man se truen sik dat noch nich to, wiel se bet nu keen "pädagoogsche Waarktüüch" för dat Leiden vun Spraakkursen hebbt.

Dor wüllt wi ansetten: Wi wüllt Lüüd ünnerstütten, de sik vörstellen köönt, Plattdüütsch-Kursen to geven. Wi beed ehr de Gelegenheit, bruukbore Methoden un Materialien för dat Plattdüütsch-Lehren kennentolehren un uttoproberen. Ok digitale Warktüüch kann dorbi en Rull spelen.

Unse Afsicht is, Interesseerten dorop vörtobereiden, sülvst as Kursleider*in aktiv to warrn. So köönt se dorbi hölpen, dat noch mehr Lüüd en Togang to de plattdüütsche Spraak finnt. 

Denn Plattdüütsch leevt dorvun, dat wi dat snackt, lehrt un wiedergeven doot!


#HochDeutsch

Aus- und Fortbildung für Kursleitende in der Plattdeutschvermittlung

Immer mehr Menschen möchten Plattdeutsch lernen – auch und gerade im Erwachsenenalter. Das Interesse ist groß, doch die Nachfrage nach Plattdeutschkursen kann vielerorts nicht befriedigt werden. Häufig fehlt es an Menschen, die bereit sind, selbst Kurse anzubieten und ihr Wissen und ihre Begeisterung für die Sprache weiterzugeben.

Hier möchten wir ansetzen: Wir wollen Menschen, die sich vorstellen können, künftig selbst Plattdeutschkurse zu leiten, auf diesem Weg unterstützen. Dazu bieten wir die Möglichkeit, geeignete Methoden und Materialien für die Vermittlung des Plattdeutschen kennenzulernen, auszuprobieren und sich mit digitalen Werkzeugen vertraut zu machen.

Unser Ziel ist es, Interessierte zu befähigen, selbst als Kursleitende aktiv zu werden und so dazu beizutragen, dass noch mehr Menschen einen Zugang zur plattdeutschen Sprache finden.

Denn Plattdeutsch lebt davon, dass es gesprochen, gelernt und weitergegeben wird!

Umfängliche Informatioen zum Inhalt und zur Anmeldung als pdf zum Herunterladen.

Wo geiht dat in düssen Kurs üm?

In düssen Kurs geiht dat üm dat Planen, de Didaktik un de Methodik, wenn een wussen Lüüd Plattdüütsch bibringen will. De Deelnehmers arbeidt aktiv an ehr egen Ideen för den Kursopbu un de Wahl vun ehr Methoden för lebennige Ünnerrichtsmomente.

Schritt för Schritt kriegt se en Geföhl dorför, wo Plattdüütschkurse opbuut warrn köönt, welke Materialien goot to bruken sünd un wo sik later ehr egen Deelnehmers motiveren un aktiv bedeligen laat.

Dorto kriegt se en bunten Kuffer vull mit Ideen un Warktüüch för ehr egen Plattdüütschlehrpraxis – vun kreative Instiegen över Methoden, bi de all mitmaakt, bet hen to lütte Speelideen, Öven för dat Snacken, Textarbeid un Anstööt för Gespräken. Allens lett sik licht anpassen un glieks in den egen Kurs insetten.

Utproberen, uttuuschen un vunenanner lehren

Wi arbeidt ganz praktisch, dat sik dat Utprobeerte direktemang in de egen Kurs ümsetten lett. De Deelnehmers test de Methoden sülvst ut, entwickelt se tosamen wieder un tuuscht egen Erfohren - denn de Kurs lohnt ok för Lüüd, de al mit dat Geven vun Kursen in de Gang sünd - un Ideen ut.

Dorbi lehrt se ok digitale Warktüüchen kennen, de bi’t Plattdüütsch-Lehren hölpen köönt. Tosamen warrt överleggt, wo un för wat sik dat sinnig in en Kurs bruken lett.

Ok typische Knütten un Problemen ut den Kursalldag warrt in’n Blick nahmen. Tosamen warrt na Lösen söcht un lütte Strategien entwickelt, de bi de Arbeit hölpen köönt.

Mit Freud un Moot Plattdüütsch lehren

Dat geiht dorüm, Plattdüütsch mit Freud un Begeistern wiedertogeven – mit Humor, Lebennigkeit un de Moot, ok mal wat Nieges uttoproberen. De Deelnehmers mööt Plattdüütsch dör un dör snacken könen. Pädagoogsche Erfohren oder dat Kennen  vun de plattdüütsche Schrifftspraak warrn nich vörutsett.

Referentin:         Heike Hiestermann

Termin:                20.- 21. März 2027

Oort:                    Nordsee-Akademie, Flensburger Str. 18, 25917 Leck

Kosten:               inkl. Unterkunft/Verpflegung p.P. 189 € im DZ / 199 € im EZ

Maten vun de Vereen Plattdüütsch Zentrum betahlt p.P. 149 € in en Duppelstuuv / 159 € in en Enkeltstuuv

Anmellen:      per Mail an Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein. 

All Infos nochmal op Hoochdüütsch to'n Daalladen gifft dat mit en Klick op düssen Link.

Text / Fotos: Heike Hiestermann, Gesa Retzlaff / Adobestock

Wi möögt Cookies

Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...
CookieHint and Consent by reDim GmbH (Öffnet in neuem Fenster)