In de School
In de School
Dat wichtigste Feld för dat Lehren vun Spraken is neven de Familie un dat däägliche Umfeld de School. Dor is in Sleswig-Holsteen un annerswo in de letzten Johren düchtig wat in de Gang kamen. Dat Tosamenarbeiden twüschen de Länner bringt all vöran.
To dat Schooljohr 2014/15 hebben Modellscholen anfungen Plattdüütsch to ünnerrichten. Inwüschen gifft dat nu al an över veertig Scholen quer dör't Land en Anbott Platt to lehren. Wat in de Erlass "Niederdeutsch in der Schule" ut 2019 beschreven is, stütt dat Utbuen vun Plattdüütsch an all Scholen in't Land.
Inwüschen gifft dat de Lehrwarken mit "Paul un Emma", de Lehrers un Schölers an de Grundscholen bi't Lehren goot bruken könen. För de grötteren Schölers is en Band in Arbeit. Opto hebben de Makers Begleitmaterial torechtmaakt, wat richtig Lust op Plattdüütsch maakt. Dat meiste is kostenfrie över dat Internet to kriegen.
Dat Lehrkräfte un externe Plattdüütsch-Paten ut- un wiederbillt warrn un gode Ünnerricht maken, dor kümmert sik tovörderst dat Institut für Qualitätsentwicklung an Schulen (IQSH) um.
#HochDeutsch
Niederdeutsch in der Schule
Hierzu ist 2019 in Schleswig-Holstein ein neuer Erlass in Kraft getreten.
In ihm ist festgehalten, dass ein geschlossener Bildungsgang - von der Einschulung bis zum Abschluss der Sekundarstufen I und II bzw. der beruflichen Bildung - als ein nachhaltiges Verfahren zum Erwerb der Regionalsprache angestrebt wird.
För de Lütten
Je lütter je lichter
Kinner bet to umbi söss Johr hebben dat bannig licht un lehren Spraken, ok mehreren nevenenanner. Toveel kann dat nich warrn. Wenn mal jüst nix mehr ringeiht, denn löppt dat eenfach an de Brägen vörbi. De Lütten nehmen eerstmal allens op, wat se hören, un sorteren de Spraken mit de Tiet uteneen. Wichtig is dat Prinzip: Een Person - een Spraak.
Mit Glück kann in de Familie oder in't däägliche Umfeld al mehr as een Spraak anbaden warrn. Un wenn nich dor, denn villicht in de Kita. Ümmer mehr Kinnergoorns hebben Plattdüütsch in jemehr Anbott. Wo man sik dorför fortbillen kann, wo dat Stütt gifft, wat an Böker, Spele, Leder un anner Material goot to bruken is, um Platt mit de Lütten to lesen, singen, spelen un snacken, dat steiht in düsse Rubrik.
Platt? Kinderleicht!
Gerade kleine Kinder lernen mit Leichtigkeit mehrere Sprachen gleichzeitig. Entwicklungsvorteile bei früher Mehrsprachigkeit sind wissenschaftlich belegt. Wissenswertes und Anregungen rund um Platt mit Kindern findet sich hier.
För de Groten
Lehren en Leven lang
„Was Hänschen nicht lernt, lernt Hans nimmermehr“? Nee, dat stimmt nich. Hans lehrt eenfach "hinterher". Denn ok de Groten könen Plattdüütsch lehren. So as jedeen anner Fremdspraak ok. Un dat gifft verscheden Instituschonen, de Kurse anbeden doot.
Ob dat um Platt snacken oder Platt schrieven geiht, ob man all lang Kontakt hett mit de Spraak, allens versteiht un blots noch to't Snacken kamen much, oder ob man ganz vun vörn anfangt, ob man geern vörort mit annern an een Disch oder in't Internet mit Lüüd vun allerwegens lehrt, dor is so veel mööglich. Eniges stellen wi hier vör.
Es ist nie zu spät
Auch nicht um Plattdeutsch zu lernen. Ein breites Angebot an Kursen von verschiedenen Institutionen in diversen Formaten sowie Materialien zum begleitenden Lernen lädt auch "Spätsprecher" auf einen Schnack ein.

