platt.best - Drift vun Harten

Drift vun Harten

Logo Platt Best - Dirft vun Harten

Wokeen hett tohuus en Swien? Bookvörstellen in Bredstedt Audio

Kannst du di noch besinnen, as du lütt weerst un dacht hest: Wenn ik groot bün, denn kann ik endlich allens maken, wat ik will . . .? Also ik kann mi dor op besinnen. So richtig goot. Ok op dat ewige Meckern vun Mama kann ik mi besinnen: Minsch, wat süht dat wedder in dien Stuuv ut . . . oder Minsch, nu maak doch mal to. Un ewig weer man to lütt, üm dat to maken, wat man geern wull. Un denn de Mäkelie vunwegen: Wo sühst du denn ut, du Farken . . . Wenn di dat allens bekannt vörkümmt, denn warrst du dat Book „Ik heff tohuus en Swien“ vun Hans Wilkens mögen.

Herausgeber Hein Lueth, Autor Hans Wilkens und Illustrator Niels Wilkens präsentieren das Buch Ik heff tohuus en SwienGalerist und Herausgeber Hein Lüth, Autor Hans Wilkens und Illustrator Nils Wilkens präsentieren das Buch "Ik heff tohuus en Swien".
#HochDeutsch

Plattdeutsche Texte für Kinder und Jugendliche

Wer kann sich nicht mehr daran erinnern, wie es war, als man klein war. Und Mama immer gemeckert hat oder die große Schwester immer alles durfte, aber man selbst durfte nichts. Von großen und kleinen Problemen, Freuden und vielen lütten vigellienschen Sachen erzählt und dichtet Hans Wilkens in seinem Buch „Ik heff tohuus en Swien“. Kurze Geschichten, Gedichte, sogar ein Theater-Spiel für junge Leute kann man in dem schön gemachten Buch entdecken. Die Texte sind passend für zuhause – zum Vorlesen oder selbst lesen. Aber auch im Kindergarten und in der Schule können die kleinen Gedichte vorgetragen und geübt werden. Kurz, knackig, modern und immer mit einem besonderen Blick für die Kinderwelt – das ist der Stil von Hans Wilkens. Für Groß und Klein ein Muss.

In sien Vertellen kann sik Lütt un Groot wedderfinnen

Ob du nu lütt büst oder groot. Enerlei. In sien Geschichten un Riemels kann een sik wedderfinnen un afdükern. Wenn du all groot büst, kannst du bi’t Lesen wedder Kind ween. Un wenn du noch lütt büst, denn kümmt di dat so vör, as wenn Plattsnacker Hans Wilkens bi di tohuus Müüschen speelt hett. De weet eenfach, wat dor los is, wenn een grote Geswister hett, de jümmers allens beter köönt. He kennt se, düsse doofen Jungs mit de gröttste Klapp un de meiste Knööv, de jümmers dat Seggen hebbt, aver nix in den Kopp.

Hans Wilkens schrifft över Saken ut de Kinnerwelt

Mal nadenkern, mal zuckersööt, mal fidel un mal ganz eernsthaftig– so sünd se, de lütten Vertellen in düt Book. Schoolmeister Hans Wilkens weer de eerste Chef vun dat Plattdüütsch Zentrum in Leck. He schrifft all siet Johr un Dag Geschichten, Vertellen, Theoterstücke un Gedichte. Un natürlich ok Texte för den Platt-Ünnerricht. Den plattdüütschen Lees-Wettstriet ahn en Geschicht vun Hans Wilkens? Kuum denkbor. De Kinner möögt sien Vertellen bannig geern. De sünd licht to verstahn, knackig un vör allens: Merrn ut de Kinnerwelt.

Hier dreiht sik allens üm dat Leven

Dat geiht üm Verständnis, üm leev hebben, trurig ween, Spaaß hebben, dat geiht üm dat Mitenanner un Gegenenanner, üm Probleme, üm dat Bangsien, üm Katt un Hund un allerlei Deerten – eenfach allens, wat so in Lüttemanns- un Lüttedeerns-Welten passeren deit.

Dat Book passt wunnerbor in de Bökerkist tohuus rin. Dat is enkelt al wat för de Lütten in den Kinnergoorn, besunners goot köönt de Vertellen un Riemels in de School ehren Platz finnen.

Hans Wilkens
„Ik heff tohuus en Swien“
Pictus-Verlag
ISBN 978 3 949674 03 7
to kriegen bi www.galerie-lueth.de

An de 20. Januar 2023 warrt dat Book in de Bookhandlung in Bredstedt vörstellt. Infos un Anmellen. De beiden Schölers Ida Hansen un Bosse Hansen leest ut dat Book un de Autor un Verleger geven en Inblick in emme gemeensame Projekt.

Blick ins Buch

Platt mit Plie in de Texten un bi de Billers.

Blick ins Buch

En Projekt vun Vadder un Söhn Wilkens:).

Text / Biller: Heike Thode-Scheel / privat, Heike Thode-Scheel
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...