platt.best - Drift vun Harten

Drift vun Harten

Logo Platt Best - Dirft vun Harten

Wat is egens Demenz? Audio

De lütte plietsche Knietzsche hett nafraagt un verkloort kort un knapp, wat dat mit düsse Krankheit op sik hett. Un Tipps för en gode Mitenanner vun Minschen mit un ahn Demenz hett he ok! Dat he dat nu ok op Platt verkloren kann, liggt an Jonne. He hett em sien Stimm un sien Spraak lehnt.

TEST BildJonne hett för de Film vun Knietzsche över de Demenz de plattdüütsche Text insnackt.
#HochDeutsch

Knietzsche erklärt die Demenz

Der kleinste Philosoph der Welt macht sich Gedanken über große Gefühle und alles, was zum Leben dazugehört. Hinter dem sympathischen Knirps Knietzsche steckt die Berlinerin Anja von Kampen mit ihrer Firma vision X. Auf ihrer Internetseite knietzsche.com erklärt Knietzsche kindgerecht Themen wie z.B. Tod, Mobbing oder diverse Gefühle des Alltags. Meist in kurzen Animationsvideos und teilweise auch in Sach- oder Minibüchern.

Das Kompetenzzentrum Demenz in Schleswig-Holstein hatte die Idee, Knietzsche auch das Thema Demenz näher zu bringen. Im Februar 2022 konnte mit Hilfe der Deutschen Alzheimer Gesellschaft und dem Bundesministerium für Familie, Senioren, Frauen und Jugend sowohl ein 3-minütiger Erklärfilm, als auch das dazugehörige Mini-Büchlein und ein „Einfühlungs-Workshop“ für Lehrkräfte veröffentlicht werden.

Knietzsche - wer is dat denn?

Knietzsche is de Hauptfigur ut en Tekentrickreeg, de na em nöömt is: Knietzsche verkloort de Welt. De Fru, de em sik utdacht hett, is Anja vun Kampen. Siet 2014 maakt se in ehr Produkschoonsfirma in Berlin korte Filme vun bummelig dree Minuten, in de de lütte Denker nich ganz eenfache philosophische Fragen so beantwoorden deit, dat Kinner dat verstahn könen. Un dat is för grote Lüüd noch jüst so interessant.

Philosophie för Lütt un Groot

Knietzsche hett sik al över ganz vele Themen Gedanken maakt. To'n Bispeel över Moot, Respekt un Fründschop. Ok över Glück, Frieheit un Truer hett he al philosopheert. De Filme to all sien Gedanken kann man bi youtube ankieken. Över de Websiet www.knietsche.com kann man sik wiederklicken na de Folgen, de dat frie to kieken gifft. Op de Siet gifft dat ok en Laden, wo man sik Mini-Böker to en poor Folgen kopen kann. Sogor welken op Engelsch. Richtig grote Böker hett Knietzsche ok al schreven, to dat Thema Eten un över de Dood - de normaalste Saak vun de Welt, as he meent.

Plattdüütsch is internatschonal

Op de Websiet vun Knietsche gifft dat ok de Rubrik "International": Neven Albaansch, Araabsch, Chineesch, Engelsch, Hebrääsch, Litausch un Tschechsch gifft dat nu en achte Spraak, de Knietsche snackt: Plattdüütsch. Dat hett sik Cornelia Prepernau vun dat Kompetenzzentrum Demenz in Sleswig-Holsteen utdacht, as se för de Demenzwuch 2022 ünner dat Motto "Verbunnen blieven - Demenz op Platt" Ideen sammelt hett. Se harr de Knietzsche-Film över düsse Krankheit al in de Februar 2022 op Hoochdüütsch mit Stütt vun dat Bundsministerium för Familie, Senioren, Fruens un Jugend un de Düütsche Alzheimer Gesellschop op de Weg bröcht un hett allens doransett, dat dat ok en Faten op Plattdüütsch geven schull.

Mit Knööv vun verscheden Sieden

Se hett sik för't Betahlen Stütt haalt bi de Plattdüütsch Stiften för Sleswig-Holsteen. För dat Överdregen un Helpen bit Insnacken harr se Gesa Retzlaff vun unse Plattdüütsch Zentrum an de Siet. Un dat dat allens vun de Tontechnik un -qualität goot noog un för en Synchronisation to bruken weer, dor hett Björn Petersen vun de Offene Kanal Flensborg för sorgt. Aver de wichtigste Part hett Jonne övernahmen. He warrt in sien Familie un Dörp plattdüütsch groot un is mit sien Mama för de ganz schöön opregenden Opnahmen na't Tonstudio kamen. En beten ahnt hett he al, wat op em tokamen worr. Nich lang vörher harr he al mitmaakt bi dat Synchroniseren vun de Film "Mittagstunde" op Platt.

Mit düsse Link geiht direkt na Knietzsche un de Demenz.

Hier gifft dat mehr to weten över dat Kompetenzzzentrum Demenz in Sleswig-Holsteen

Deels op Platt: Link na de Trailer to de Film Mittagstunde

Text/Fotos: Gesa Retzlaff/Wenke Carstensen
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...