Wildpark Eekholt ok op Platt Audio
In‘n Wildpark Eekholt gifft dat över 700 Deerten ut uns Heimat to sehn. Hunnert verscheden Arten sünd mit dorbi. Un dat sotoseggen „in freier Wildbahn“. Merrn in de Natur op 67 Hektar Wohld, Water un Moor. Denn de Park liggt twüschen natte Wischen un ole Eeken- un Fichtenbööm. Un merrnmang slängelt sik de Osterau as so’n Slang. Hier föhlt sik nich blots de Deerten wohl, sünnern ok de Minschen. Vör allen Dingen de Lütten. Hier künnt se nämli so mankeen Aventüür beleven. Denn huult de Wulf, denn schriggt de Uul un...
... de groot Seeadler flüggt sien Runn. Dat is spannend!Führungen und Bildungsangebote auch auf Platt
Der vielfach ausgezeichnete Wildpark Eekholt bietet seine geführten Naturerlebnisse auf Anfrage auch an Plattdeutsch interessierten Besuchern und Gruppen an.
Einen Eindruck der Bildungs-, Beschäftigungs- und Betreuungsangebote erhalten Sie auf der Internetseite des Parks.
Verkloren vun Deerten un Natur ok op Platt
Aver Eekholt is nich blots to’n Kieken, Staunen un Spazeeerngahn dor, hier gifft dat ok en Barg to lehren. Siet över twintig Johr is de Wildpark as „Regionales Pädagogisches Umweltzentrum“ anerkannt, siet 2007 „Bildungspartner für Nachhaltigkeit“. Un denn gifft dat dor ok noch dat „Wolfsinformationszentrum zum Schutz des Wolfes“. Dat hett dat Land Sleswig-Holsteen inricht. Natürlich dörv dor ok en Wildparkschool nich fehlen. Man keen bang – in düsse School mutt een nich stillsitten. Dor geiht dat na buten, dor gifft dat Äkschon, dor mutt een wat sülven maken, dor warrt klütert un luustert. Un dat sogor op Platt. Dorför is Ute Richter-Harder tostännig. Se is zertifizeerte Natur- un Landschapsföhrerin un arbeit al siet fief Johr in Eekholt. Un Platt snacken kann se ok. Se verkloort Schoolkinner de Deerten un Planten, se gifft Antwoort op all de Fragen un se weet natürlich in de Natur op’t Best Bescheed.
Anbotten för Scholen, Kinnergoorns un Familien
Schoolklassen, Kinnergoorns un Familien künnt sik bi’n Tierpark Eekholt för een Dag to so en Bildungsangebot anmellen – aver se künnt ok en poor Daag dorblieven. Mit Övernachten, Eten un Drinken un bavento warrt se sogor op Platt begöschert.
Link na de Startsiet vun de Wildpark Eekholt
Wildpark Eekholt
Eekholt 1
24623 Großenaspe
04327/99230