Jede Wuch en plattdüütschen Bökertipp Audio
„Immer Freitag füllt sich diese Seite um einen weiteren tollen Literaturtipp für alle Lebenslagen“ – so steiht dat op de Siet vun‘n Sleswig-Holsteenschen Heimatbund (SHHB). En Klick op den Button un denn kaamt vele Böker to’n Vörschien. Marianne Ehlers is Diplom-Bibliothekarin un för düt Rebeet op de Heimatbund-Siet tostännig. De Eiderstedterin söcht sik jedeen Friedag en Book rut un stellt dat vör. Dat is en bunte Mischen ut nagelniege Böker un Böker, de all Johrteihnten oolt sünd, aver dorüm noch lang nich ooltbacksch.
Op de Siet vun den Sleswig-Holsteenschen Heimatbund sünd de Bökertipps to finnen.Plattdeutsche Literaturtips aus dem Schleswig-Holsteinischen Heimatbund
Über achzig Titel hat Platt- und Literatuerexpertin Marianne Ehlers inzwischen beschrieben. Dabei blickt sie sowohl auf aktuelle als auch antiquarische Werke, auf Unterhaltungs- und Sekundärliteratur, auf Lehrwerke und Anthologien, auf Texte für Klein und Groß.
Für den interssierten Leser zieht sie manch besonderen Schatz aus ihrem Bücherregal und motiviert zum Erst- oder Wiederlesen, inklusive Hinweisen zur Verfügbarkeit.
Vun niege Böker un urole Klassiker is allens mit dorbi
Dor steiht de niege Krimi „Grulig Fund“ vun Jörg Rönnau jüst so op de Siet as de Novell „Dag un Düüster över de Normandie“ vun den groten Dichtersmann Walter Kreye. To jedeen Book gifft dat nich blots Informatschonen to de/n Schrieversmann/fru, sünnern ok en lütt Inhaltsangaav un natürlich de Verlagsinfos. Mal is en Book al vergrepen un blots noch över’t Internet to köpen. Marianne Ehlers gifft uns en wunnerboren Överblick över de plattdüütsche Literatur. Dat is so’n beten, as wenn du vör en Bökerregol in de Bibliothek steihst un över all de plattdüütschen Böker wunnerwaarkst. Dat gifft Novellen, Geschichten, Romane, bittersööt Vertellen, Gedichte, grulich Krimis oder deepdenkern Kriegsliteratur. För grote un för lütte Lüüd. Dat reckt vun de velen „Vertell-doch-mal“-Böker bet hen na de „Bunte Koh“, en oles plattdüütsches Leesbook.
Plattdüütsche Literatur kann allens: Deepdenkern un fidel
Bi’t Stövern kriggt een Lust op’t Köpen un Loslesen. Mien besünnere Highlights: De Roman „Dat sünd doch Juden“ vun Heinrich Ohm un de Dagbook-Roman „Na, Lütten?“ vun Heinrich Buchholz. Düsse deepdinkern Böker wiest, datt Plattdüütsch nich blots Schenkelkloppen is, sünnern ok ernste Literatur un politische Themen kann. Un för de Kinner finn ik de Klassiker vun Astrid Lindgren wunnerbor: „Ik will ok na School gahn“ to’n Bispill. Op Platt vun Hartmut Cyriacks un Peter Nissen. Ik bün gespannt, wat Marianne Ehlers noch so ut ehr Bökerschapp rutsöken deit. En Tipp noch achterran: De plattdüütsche Internetbökerladen plattschapp.de hett ok en poor ole Leckerbissen in’t Anbott. Un bi booklooker.de kann een de schöönsten Böker finnen.
Link na de Siet mit de Bökertipps bi den SHHB