platt.best - Drift vun Harten

Drift vun Harten

Logo Platt Best 01

Wenn de Scheersbarg röppt Audio

Dör över fofftig Hannen muss de Krepp-Rull för de Namensschiller gahn. De Stöhl in de Runn, in de dat eerste Kennenlehren de Friedagavend lopen schull, stunnen dicht an dicht. So veel Deerns un Jungs, Fruens- un Mannslüüd harrn sik op den Weg maakt na Angeln, op den Scheersbarg, um de drütte Plattdüütsche Theaterakademie (10.-12.02.2023) to beleven. Un dat weer en Beleevnis!

TEST BildDeelnehmers un Dozenten na de Präsentatschoon vun de Ergevnissen bi de 3. Plattdüütsche Theaterakademie
#HochDeutsch

3. Plattdeutsche Theaterakademie voller Erfolg

Ăśber fĂĽnfzig Theaterbegeisterte  fanden sich am zweiten Februarwochenende von Freitagabend bis Sonntagmittag auf dem Scheersberg ein, um sich an einem vielseitigen Workshop-Buffet zu bedienen. Neben einem ganztägigen Angebot fĂĽr Spielleitende gab es eine Auswahl an zweieinhalbstĂĽndigen Kursen zu verschiedenen Schwerpunkten (Flyer Plattdeutsche Theaterakademie 2023).

Nach einem ausgiebigen Miteinander quer durch drei Generationen voller Spaß und Spiel begeisterte zuletzt eine Werkschau von insgesamt 13 Workshop-Teams zum Abschied eines plattprallen Wochenendes. Bis zum nächsten Jahr, wenn der Scheersberg ruft?!

Bedenen an’t Workshop-Buffet

De Deelnehmers kunnen sik ut de veer Workshops „Stimme, Körper, szenische Arbeit“, „Kamera läuft“, „Clown und Clownin sein“ un „Wie baut man eine Figur“ dree utsöken, bi de se mitmaken wullen. Dat weer en so spannende Utwahl vun de motiveerten un engageerten Anleiters Erkki Hopf, Helge Albrecht, Elmar un Kerstin Thalmann, dat velen an’n leevsten all veer Workshop mitmaakt harrn. Aver bi dree Tietfenster vun tweeenhalv Stunnen över de Sünnavend verdeelt muss dat bi dree blieven.

En Anbott extra för Speelleiders

Blots een Anbott, un dat över den ganzen Dag, nutzten de Lüüd, de bi Till Huster mehr to „Theater anleiten und auf die Bühnen bringen“ lehren wullen. Un liekers dat all düchtig arbeidt harrn un ganz schöön platt weren, geev dat an de Avend noch veel Hallo un Spaaß. Dat intwüschen al traditschonelle Pubquiz – ohne Handy - harrn Karsten un Fie vun de Scheersbarg wedder kreativ un querbeet tosamenstellt.

To’n Afsluss wiesen, wat entstahn is

De SĂĽnndagmorgen gung dat denn an’t Präsenteren vun de Filmclips un Szenen, de in de Workshops entwickelt worrn sĂĽnd. De Deelnehmers hebben sik un en poor Besökers en prallen StruuĂź an Ideen un Utdrucksmööglichkeiten wiest, de dat Wuchenenn över wussen weren. Dat grootoordige Mitenanner vun Jung un Ă–ller, vun Flensborg bet Ahrensborg un Löwenstedt bet Preetz un de begeisterten RĂĽchmellen  motiveren de Anföhrers Karsten Biermann, Jann Rothberg, Gesa Retzlaff un Claudia Siemsen de nächste Runn to planen.

Söven för de Saak

DĂĽt Format is en Kooperatschoonsprojekt vun de IBJ Scheersbarg mit dat PlattdĂĽĂĽtsch Zentrum (Leck), de NedderdĂĽĂĽtsche BĂĽhnenbund S-H, de Landesverband Amateurtheater in S-H, de LAG Speel, de Sleswig-Holsteensche Heimatbund un de Kreiskulturstiftung Schleswig-Flensborg.

IBJ Scheersbarg

PlattdĂĽĂĽtsch Zentrum Landsdeel Sleswig

NedderdĂĽĂĽtsche BĂĽhnenbund Sleswig-Holsteen

Landesverband der Amateurtheater

LAG Spiel

Schleswig-Holsteinischer Heimatbund

Kreiskulturring Schleswig-Flensburg

Text /Fotos: Gesa Retzlaff
PlattdĂĽĂĽtsch Zentrum / Zentrum fĂĽr Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...