platt.best - Drift vun Harten

Drift vun Harten

Logo Platt Best 01

Kampagne för en egen plattdĂŒĂŒtschen Senner Audio

PlattdĂŒĂŒtsch in’t Radio? Dat gifft dat doch all lang. Bi’n NDR to’n Bispeel. Nu sogor noch en beten mehr dörch den niegen DAB+Senner NDRSchlager. Dor schall PlattdĂŒĂŒtsch dat twete Standbeen ween. Aver wi PlattdĂŒĂŒtschen wĂŒllt noch veel mehr. Wi wĂŒllt en egen plattdĂŒĂŒtschen Senner. Dat fordert de Sleswig-Holsteensche Heimatbund (SHHB). Toeerst tosamen mit de HeimatverbĂ€nne Meckelnborg-Vörpommern, Hamborg un Neddersassen, mit den Bunnesraat för NedderdĂŒĂŒtsch un dat NedderdĂŒĂŒtschsekretariat un intwĂŒschen mit wiet över dörtig Verenen un VerbĂ€nn ut ganz NoorddĂŒĂŒtschland. Anstött hett de Kampagne Jan Graf, Referent för PlattdĂŒĂŒtsch bi den SHHB mit en lĂŒtt Video: „Funklock stoppen!“ - för en plattdĂŒĂŒschen Senner.

Screenshot von DAB+-Radio aus youtube-VideoScreenshot vun dat Kampagnen-Video - op dat Bild klicken un bi youtube ankieken.
#HochDeutsch

Einsatz fĂŒr einen eigenen Sender

Anders als Sprecher von „lesser used languages“ in europĂ€ischen NachbarlĂ€ndern werden Sprecher des Plattdeutschen in Deutschland nicht mit einem eigenen Radiokanal in ihrer Sprache informiert, unterhalten und gebildet. Auf diese LĂŒcke wies Jan Graf, Referent fĂŒr Niederdeutsch beim Schleswig-Holsteinischen Heimatbund, gemeinsam mit anderen HeimatbĂŒnden und plattdeutschen RĂ€ten anderer norddeutscher BundeslĂ€ndern mit einem anderthalbminĂŒtigem Youtube-Video hin.

Aus diesem Anstoß ist die Kampagne "Funklock stoppen" erwachsen, die inzwischen bekennende UnterstĂŒtzer in allen plattrelevanten BundeslĂ€ndern gefunden hat.

Anner lĂŒtte Spraken maken dat vör

Üm un bi 2,5 Millionen Minschen in DĂŒĂŒtschland snackt Platt. Liekers gifft dat keen plattdĂŒĂŒtsch Radioprogramm. Dorbi gifft dat gode Bispelen in Europa, wo de lĂŒtten Spraken en egen Radiosenner hebbt. Dor is dat Sameradio för de Samen in Finnland oder Omrop Fryslan för de Freesen in de Nedderlannen. Oder Radio Cymru in Grootbritannien – dat senndt jedeen Dag op Welsch.

„Drömen lehren – So schall uns Programm utsehn“

Op en Online-Konferenz in‘n April 2021 hebbt plattdĂŒĂŒtsche Organisaschonen ut acht BunneslĂ€nner en Papeer op’n Wech bröcht un sik op en plattdĂŒĂŒtschen Fohrploon enigt: „Wi nehmt uns anner LĂŒtte-Spraken-Senners in Europa to‘n Vörbild un fordert en öffentlich-rechtlich Medium, wat 24 StĂŒnnen an‘n Dag söven Daag de Week en plattdĂŒĂŒtsch Höörfunk-Programm mit Online-Anbott un hen un wenn mal en Filmbidrag produzeert“.

Mix ut bunte Themen, Berichte un Narichten

Se fordert en Mix ut bunte Themen, eernsthaftige Berichte un plattdĂŒĂŒtsche Narichten ut de Welt. In’t Musikprogramm schall dat plattdĂŒĂŒtsche, hochdĂŒĂŒtsche un internaschonale Musiktitel geven. Dat Wichtigste is aver: „Dat Medium bruukt de plattdĂŒĂŒtsche Spraak as dÀÀglich WarktĂŒĂŒch un verplicht sik dorbi to QualitÀÀtsstandards, de in anner dĂŒĂŒtsche Programmen för de hoochdĂŒĂŒtsche Spraak gellt.“

Dat seggt de Charta

StĂŒtt un Stöhn kriggt de Forderung dörch de Charta vun de Regional- un Minnerheitenspraken. In Artikel 11 heet dat: „Unter Achtung des Grundsatzes der UnabhĂ€ngigkeit und Autonomie der Medien sind folgende Maßnahmen zu treffen: sie zur Einrichtung mindestens eines Hörfunksenders in den Regional- oder Minderheitensprachen zu ermutigen und/oder sie zu erleichtern oder sie zur regelmĂ€ĂŸigen Ausstrahlung von Hörfunksendungen in den Regional- oder Minderheitensprachen zu ermutigen und/oder sie zu erleichtern.“

Dat seggt de niege Medienstaatsverdrag

In den niegen Medienstaatsverdrag Hamborg-Sleswig-Holsteen gifft dat nu ok en Regelung för de lĂŒtten Lokalsenner in’t Land, de nu jĂŒst Lizenzen kriegen schĂŒllt. In § 28a Abs. 1 heet dat, „ dass die neu einzurichtenden Lokalradiostationen verpflichtet sind, die Regional- oder Minderheitensprachen in Sendungen und BeitrĂ€gen angemessen zu berĂŒcksichtigen.“

De Novellierung vun‘ NDR_Staatsverdrag is jĂŒst vun‘ Disch. Dorbi geiht dat ok ĂŒm den Status vun de Regional- un Minnerheitenspraken in de Medien.  In Paragraph 5 dreiht sik dat ĂŒm den „Angebotsauftrag“. Dor heet dat: „Norddeutschland und die Vielfalt seiner Regionen, ihre Kultur sowie ihre Regional- und Minderheitensprachen sind in den Angeboten des NDR regelmĂ€ĂŸig angemessen zu berĂŒcksichtigen. Der NDR soll zu diesem Zweck und zur Erhaltung kultureller IdentitĂ€t sein Angebot grundsĂ€tzlich in den vier LĂ€ndern seines Sendegebietes herstellen.“

Link na de Startsiet vun de Kampagne "Funklock stoppen"

Text /Fotos: Heike Thode-Scheel / Kampagnenlogo, Screenshot youtube
PlattdĂŒĂŒtsch Zentrum / Zentrum fĂŒr Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...