platt.best - Drift vun Harten

Drift vun Harten

Logo Platt Best 01

Platt bi NDR Schlager  Audio

Schlager magst du nich? Un wat is egens DAB+? Un worüm schallst du den niegen DAB+-Radiosenner NDRSchlager denn egentlich inschalten? Bi den niegen Senner gifft dat nämlich siet den 1. November 2021 nich blots düütsche un internatschonale Schlager to höörn, sünnern ok plattdüütsche Bidräge un plattdüütsche Musik: „Bei NDR Schlager sehen wir die Möglichkeit, durch plattdeutsche Angebote in Wort und Musik Identität herzustellen und ein norddeutsches Aroma zu liefern“, meent de stellvertredende NDR-Intendantin Andrea Lütke. Se is övertüügt, dat „Regionale Identität“ bi’t Radio total wichtig is.

DAB+-Radiodisplay von NDR-SchlagerBi de allgemenen Informaschonen op düt Internetradio-Display is vun Platt noch keen Woort to lesen.
#HochDeutsch

NDR Schlager-Sender erweitert sein Programm mit Platt

Zum Programm von NDR Schlager gehören seit Ende des Jahres 2021 verschiedene Platt-Formate aus den Landesfunkhäusern, wie „Hör mal’n beten to“, „Plapermöhl“, „Düt un Dat op Platt“ oder das niederdeutsche Hörspiel.
Neu im Porgramm ist ein Talk mit – zumeist norddeutschen Musiker*innen, "Platt Schnack Mucke".

Diese Formate lassen sich auch als Podcast über die ARD-Audiothek abonieren und sendezeitunabhängig anhören.

Link zur NDR-Seite der ARD-Audiothek

Plattdüütsch is dat tweete Standbeen

För Hörfunkchef Dr. Ludger Vielemeier is Plattdüütsch sogor sowat as dat  twete Standbeen vun NDR-Schlager. Jedeen Dag staht verscheden Sennungen in’t Programm: „Wi snackt platt“, „Von Binnenland und Waterkant“, „De Klönkist“, „Düt un dat op Platt“ oder dat Nedderdüütsche Höörspeel. De Moderatorinnen un Moderatoren Martina Gilica, Michael Thürnau un Jens Krause sünd live vun Klock acht bit Klock söss avends mit vun’e Partie.

Wo kannst du NDR Schlager höörn?

Nu is jo blots noch de Fraag: Wo künnt wi dat Programm höörn un wat is dat Besünnere an DAB+? NDR Schlager kann en to’n Bispill över dat Digitalradio höörn. Ob nu morrns op’n Radiowecker, middags in de Köök oder avends ünner de Dusch in’t Badradio. So en Digitalradio maakt sik alleen op de Söök na de Programme un denn hest du foorts en List vör de Nees. Frequenzen söken weer güstern. Hüüt reckt en Klick op den Naam – un denn geiht dat los. Natürli geiht dat ok över Satellit, över de NDR Radio App, in’t Internet un in’t digitale Antennen-Fernsehn DVB-T2.

Infos un Biller

Un dat Beste to’n Sluss: Bi dat dore DAB+ Programm gifft dat noch en poor Extras dorto: Een kann de Musiktitel as Text lesen un sogor Biller un en Slide-Show sehn, wenn dat Radio en Farvdisplay hett. Du kriggst CD-Covers to sehn, aktuelle Narichten, du kannst dat Wedder ankieken oder Programmtipps. Enfach mál an‘n Knopp dreihen un rinhöörn.

Link na de Startsiet vun NDR Schlager

Text / Fotos: Heike Thode-Scheel / NDR, Gesa Retzlaff
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...