Dat grote »P« för
Günter Herrmann Audio
"Mit Musik geiht Plattdüütsch beter". Dorvun is Günter Herrmann övertüügt bi sien Arbeit mit Grundschölers an de Zentralschool in Harrislee.
Na sien Deenst bi de Polizei gung för de röhrige Pensionär 2014 de Döör na de Kinner op. Sietdem sett he sik tweemal de Wuch sien Gitarr op de Rüch un sien Hoot op de Kopp un löppt na de School. Vörrangig dat Warken mit de Schölers un wat sietdem allens an Leder un Material ut Günter sien Kopp de Weg to Papiers un na de Kinner funnen hett, ehrt düsse Pries.
Gesa Retzlaff övergifft de Skulptur vun dat grote P an Günter Herrmann.Auszeichnung für plattdeutsches Engagement
Seit 2014 ist der pensionierte Polizist und ehrenamtliche Kapitän des Flensburger Salondampfers "Alexandra" als Plattdeutsch-Pate an der Zentralschule in Harrislee aktiv. Dabei entdeckte er seine Leidenschaft für das Texten und Komponieren plattdeutscher Kinderlieder und -musicals. Sein Werk teilt der langjährige Schauspieler der Niederdeutschen Bühne Flensburg freimütig mit allen, die sich für die Weitergabe der Sprache an Kinder einsetzen. Für dieses vorbildliche Engagement wurde der Harrisleer mit dem großen P ausgezeichnet.
Intwüschen dat teihnte Mal tekend de Fördervereen vun unse Plattdüütsch-Zentrum Lüüd un Institutschonen ut, de sik in de Landsdeel Sleswig besunners för de plattdüütsche Spraak un Kultur insetten un Bispeel geven för annern.
Över dörtig Kinnerleder un twee Musicals hett Günter Herrmann intwüschen textet un komponeert. De eerste Hälfte dorvun is al fastholen in dat Heft "Leder för lütte Lüüd", wat 2019 mit Stütt vun de Fördervereen vun dat Plattdüütsch-Zentrum rutgeven worrn un kostenlos bi uns to kriegen is. De twete Band warrt 2022 sien Weg na de Lüüd finnen, de mit Kinner op Plattdüütsch wat maken wöllt.
Laudator Jürgen Bethge stelle mit sien bedacht un hartlich Wöör en pralle Struus an Plattaktivitäten vun de niege Priesdreger vör. Bethge hett nich blots dat Leid vun de Zentralschool Harrislee (ZSH), Günter Herrmann un he sünd ok al lange Johren Bühnenkollegen bi de Nedderdüütsche Bühn (NDB) in Flensborg, de as Kooperatschoonspartner de friewillige Plattdüütschünnerricht an de ZSH ünnerstütt.
Dat he ok in de dree Theaterstücken för de Klassenruum, mit dat de NDB al welke Johren na de Scholen -halv op Platt- un halv op Hoochdüütsch- quer dör de Region tourt de plattdüütsche Part övernahmen hett, kregen de Gäst jüst so to weten, as dat Günter in de Lockdown dat Lengen vun un na de Kinnen mit Videobotten un later Livekonferenzen överbrückt hett.
"Frünnen sünd Frünnen...", de Refrain vun dat Afslussleed ut dat Musical "Vagel Gottlieb" sungen sien Schölers denn ok passlich in dat Videobott to de Veranstalten, wat jemehr Lehrerin Dörte Magnussen mit se opnahmen harr, Ok de Minnerheitenbeopdragte Johannes Callsen schickte sien Gröten över Video.