PLATTSPOTS 2023 - De Winners sünd... Audio
An de 24. November weer dat endlich sowiet: Dat Kino 51 Stufen in’t Düütsche Huus in Flensborg weer vull! All wullen se bi dat grote Priesvergeven vun de plattdüütsche Trailerwettstriet dorbi sien un mitenanner 10 Johr PLATTSPOTS fiern.
Foto: Moderatorin Gesa Retzlaff bedankt sik bi de Jury, Priesdregers un Maja Petersen vun filmkorte.Plattspots-Preisverleihung 2023
Am 24. November wurde im voll besetzten 51 Stufen Kino im Deutschen Haus in Flensburg das Jubiläum des plattdeutschen Trailerwettbewerbs mit einer großen Preisverleihung gefeiert.
Ein Rückblick: 2013 hat filmkorte e.V. zusammen mit dem Plattdüütsch Zentrum Landsdeel Sleswig e.V. den ersten plattdeutschen Kurzfilmwettbewerb ausgeschrieben.
Studierende der Hochschule Flensburg bekamen damals die Aufgabe, Werbespots für die plattdeutsche Sprache zu produzieren.
Eine Auswahl wurde dann im Rahmen der Flensburger Kurzfilmtage 2013 präsentiert und prämiert.
Mittlerweile wird der Wettbewerb für jederman und überregional ausgeschrieben. Zum aktuellen Wettbewerb wurden 15 Filme eingereicht, aus denen die Jury drei ausgewählt hat, die nun zum 10. Geburtstag zusammen mit den Preisträgern der vergangenen Jahre im Rahmen der Flensburger Kurzfilmtage präsentiert und ausgezeichnet wurden.
Neben der dreiköpfigen Jury, war zum 10. Jubiläum auch das Publikum gefordert. In einer Online-Abstimmung live im Kino konnten alle Besucherinnen und Besucher für ihren Lieblingsfilm unter allen Preisträgern der letzten 10 Jahre abstimmen.So fung dat mal an
2013 hett filmkorte e.V. tosamen mit de Vereen Plattdüütsch Zentrum Landsdeel Sleswig e.V. de eerste plattdüütsche Kortfilmwettstriet utschreven. Studenten vun de Hoochschool Flensborg kregen domals de Opgaav, Werbespots för de plattdüütsche Spraak to produzeren. Dor worrn denn Konzepte entwickelt, worr rechercheert, plaant, dreiht un sneden.
En Jury ut Lüüd, de sik mit Filmen un/oder Plattdüütsch utkennen, hett de Films utsöcht, de bi de Flensborger Kortfilmdaag 2013 wiest worrn sünd, dree dorvun hebben denn en Pries kregen.
So gung dat wieder
De Wettstriet keem so goot an, dat he mit de „Emmi för Plattdüütsch in Sleswig-Holsteen“ uttekend worrn is. Intwüschen warrt Plattspots all dree Johr för „jederman un överall“ utschreven.
Vunjohr worrn 15 Filme inlangt, ut de de Jury dree nomineert hett, de nu to de 10. Geboortsdag tosamen mit de Priesdregers ut de letzten Johrn bi de Flensborger Kortfilmdaag wiest un prämeert worrn sünd.
Harte Arbeit för de Jury
Moderaterin Gesa Retzlaff vun‘t Plattdüütsch Zentrum hett sik besunners bi de Jury bedankt, in de vunjohr Christiane Ehlers ut dat Nedderdüütschsekretariat, Lornz Lorenzen vun de NDR und Mattis Knutzen vun de Filmagentur Capt’n Capture seten. Se hebben ok de Loffreden holen un de Priesen, de vun de VR Bank Nord eG stift worrn sünd, vergeven an:
Jörn Stäger för de Film „De Minsch is’n Worm“ – de Urkunn un dat Priesgeld för den 3. Pries hett Birgit Panten, de Schauspelerin in de Film, an sien Steed entgegennahmen.
De 2. Pries gung an Sven Bohde för de Film „Mehr Platt, weniger Ärger“, de he na en Idee vun Carina Dawert mit Ensemblemitglieder vun de Nedderdüütsche Bühn ut Kiel in Szeen sett harr.
För de Film „Striekers“ hett Oliver Boczek den 1. Pries afrüümt. He bedankte sik in sien Wöör achteran besunners bi sien Schauspelerin Britta Poggensee för ehren grootoordigen Bidrag to dat Wark.
Tokiekers wählen emme Favorit ut dat Best-of-Programm
To‘t 10. Jubiläum weer dat Publikum denn ok nochmal foddert. Bi en Online-Afstimmen live in‘t Kino kunnen all Tokiekers för emme leevste plattdüütsche Spot ut all prämeerten Filme vun de letzten teihn Johr afstimmen. De Wahl full op de Bidrag vun Cathrin Paulsen, Benjamin Vay und Tobias Möckel ut dat Johr 2013: „Dr. Plattdüütsch“.