platt.best - Drift vun Harten

Drift vun Harten

Logo Platt Best 01

Plattdüütsch Raat för SH wählt Audio

An’n Sünnavend, 30. April 2022, hett de nedderdüütsche Sprekergrupp in Sleswig-Holsteen en niegen Plattdüütschen Raat kregen. Bi en Wahlveranstalten in Rendsborg hebbt Lüüd ut dat ganze Land söven vun ölven Kandidatinnen un Kandidaten ehr Stimm geven.

Gruppenfoto der Mitglieder des Plattdeutschen Rates SH nebst Sekretariatsleitung und MinderheitenbeauftragtemIn den Raat sitt nu vun 2022-2026: (ab 2.v.l.) Ingrid Bindzus (Lauenborg), Klaus Jensen (Pellworm), Jan Graf (Pussaad), Christel Fries (Eckernföör), Dirk Söhren (Kiel), Marianne Ehlers (Welt) un Kirsten Voß (Kiel). Mit op dat Bild to sehn sünd Peter Stoltenberg as Präsident vun de SHHB (ganz links) un rechts in't Bild Christiane Ehlers, Nedderdüütschsekretariat un Johannes Callsen, Beopdragte för Minnerheiten in Sleswig-Holsteen.
#HochDeutsch

Sprachrohr der niederdeutschen Sprechergruppe im Land

Als solches versteht er sich und seit dem Jahr 2000 gibt es ihn in Schleswig-Holstein, den Plattdeutschen Rat.  Mit seiner sprachenpolitischen Arbeit soll es nun in neuer Zusammensetzung weitergehen. Bei einer öffentlichen Wahlveranstaltung stellten sich fĂĽr das siebenköpfige Gremium elf Kandidaten zur Wahl.

Aus ihrer Mitte heraus wurden Marianne Ehlers und Jan Graf als Delegierte fĂĽr den Bundesrat fĂĽr Niederdeutsch bestimmt. Kirsten VoĂź und Jan Graf werden nach auĂźen hin als Sprecherin/Sprecher fungieren.

Das Thema Bildung bleibt für die kommende Legislatur von vier Jahren weiterhin wichtig, aber ganz groß auf der Agenda steht „Niederdeutsch in den Medien“ mit der Kampagne „Funklock stoppen!“

Spraakpolitik siet över twintig Johr

Siet dat Johr 2000 gifft dat in Sleswig-Holsteen den Plattdüütschen Raat. He snackt för de nedderdüütsche Sprekergrupp in uns Land. De Raat sett sik in för: Plattdüütsch in Familien – för de Lütten – in School un Uni – in de Pleeg – in de Medien – in de Kark – in de Verwalten etc.
Na 22 Johr sprakenpolitsche Arbeit in Sleswig-Holsteen schall dat nu wieder gahn mit de Arbeit för de Spraak, de niege Raat hett sik veel vörnahmen. Dat Thema Billen is wiederhen wichtig, man ganz groot op den Zeddel steiht „Nedderdüütsch in de Medien“ mit de Kampagne „Funklock stoppen!“

Grote BedĂĽden in dat Platt-Nettwark

De Beopdragte för Minnerheiten un Nedderdüütsch vun den Ministerpräsidenten, Johannes Callsen, hett sik för dat grote Engagement vun den Raat bedankt. „De Plattdüütsche Raat hett siet mehr as 20 Johr en grote Bedüden un is ut dat Platt-Nettwark in uns Land nich mehr wegtodenken!, so Callsen in Rendsborg. „Blots tosamen köönt wi dat henkriegen, för de Spraak in all Rebeten to arbeiden.“
SHHB-Präsident Peter Stoltenberg maak düütlich, dat de SHHB ok wiederhen den Plattdüütschen Raat stütten warrt. „De Sleswig-Holsteensche Heimatbund weer vun Anfang an dorbi – bet vundaag liggt de Geschäften vun den Raat in de Hand vun’n SHHB. Dorto kümmt, dat de SHHB nu siet fief Johr ok för den Bundesraat för Nedderdüütsch dor is: Wi kriegt dat Geld vun den Bund in Berlin, dormit de BfN mit dat Nedderdüütschsekretariat sien Arbeit maken kann. So sünd wi nich blots för Platt in uns Land dor“.

Bi sien eerste Sitten hett de niege Plattdüütsche Raat mit Marianne Ehlers un Jan Graf twee Delegeerten för den Bundesraat för Nedderdüütsch bestimmt un fastleggt, dat Kirsten Voß un Jan Graf för den Raat na buten hen snacken warrt.

Link zur Internetseite des Plattdeutschen Rates

Text / Fotos:  Jan Graf (SHHB) / Gesa Retzlaff (PlattdĂĽĂĽtsch-Zentrum)
PlattdĂĽĂĽtsch Zentrum / Zentrum fĂĽr Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...