De neegste Passionsandacht in de Bredstedter St. Nikolai Kark fiert Paster Peter Schuchardt op Plattdüütsch. De Andacht steiht ünner dat Woort „Gott is bi di, wees man nich bang“. Paster Schuchardt fraagt mit de Gemeende, wat de Minschen in düsse Daag Kummer un Sorg maakt. Un he vertellt vun de groote Troost vun de Bibel, dat Gott ok in de gröttste Noot bi sien Minschen is.