Billerbook-Kino Video
Wat schall denn en Billerbook-Kino sien? Dat is soveel as en Film mit de Biller ut en Billerbook. De Text, wat to de Biller höört, is dor mit opsnackt un so kannst du di nu ok ahn dat Book de Geschicht ankieken un miteens vörlesen laten. Mit dat echte Book is dat natürlich noch veel, veel schöner! De Geschichten, wat op düsse Siet vertellt warrn, hett Heidrun Schlieker sik överleggt, opschreven un ok de Biller dorto maalt! Un wenn du muchst, denn kannst du dat Book dorto ok bi ehr oder uns in't Plattdüütsch-Zentrum bestellen.
Heidrun Schlieker hett sik nich blots düsse veer Geschichten utdacht. Se hett noch anner Böker schreven un ganz veel Material för dat Plattdüütsch-Lehren mit Kinner maakt un Ideen opschreven, wodennig man dormit arbeiden kann. Kiekt man mal op ehr egen Internetsiet, dor hett se en richtige Schatzkist op stellt, ut de jedeen sik bedenen dörv, för't Ünnerrichten oder eenfach för Tohuus.
Wi bedanken uns vun Harten bi Heidrun, dat wi vun een Poor vun ehr Böker düsse lütten Filme maken dorven un de hier wiesen dörven!
Wenn man ehr fraagt, wat ehr Drift is, seggt se: Ik much Moot maken, praktische Anleiten geven un vermitteln. Plattdüütsch mit Kinner maakt so veel Spaaß! Un wo sünst schüllt wi dormit in de Gang kamen, wenn nich bi de Lütten? Heidrun Schlieker
Bilderbuch-Kino
Heidrun Schlieker ist passionierte Malerin. Ihre Leidenschaft für die plattdeutsche Sprache, ihre pädagogische Erfahrung und ihr schöpferisches Können hat die mehrfach ausgezeichnete pensionierte Grundschullehrein zu kleinen Bilderbuchgeschichten verdichtet. Ihr Gesamtwerk umfasst neben Büchern zahlreichen Bastel- und Spielanleitungen und Arbeitsmaterialien.
De lütte Schipper un sien Koh
Wat maakt de lütte Schipper, as sien Koh nich alleen an Land blieven kann? He nimmt ehr mit op sien Segelschipp un beide fohren rut op't grote Water.
Imke Imm
Dat Fröhjohr fangt an. Nich blots de Blööm lengen na jemehr flietige Fründin Imke.
Dat föffte Oosterei
Wi muchen jem en feinen Keerl vörstellen: De lütte Oosterhaas Hein beleevt bi sien Arbeit wat Snaaksches!
Class op Reisen
Claas, de lütte Wiehnachtsmann, will sik ok mal verpusten un vergitt dorbi meist sien Plichten.