Füer un Flamm för Brandschuul: Wenn de lütten Rookengels kaamt Audio
Weet ji, wat en Rookengel is? Nee? Rookengels sünd lütte Engels, de roopt dat Füerwehrauto to Hölp, wenn dat jichtenswo brennen deit. Tominnst is dat so in Philipp sien Droom. De lütte Buttjer wull an sien Geburtstdag man blots dat Geburtsdagslicht ansteken, man denn brenn dat miteens! Eerst dat Geschenkpapeer un denn de Servietten. To’n Glück is Mama glieks dor. An nächsten Dag is en Füerwehrmann to Besöök in‘n Kinnergoorn un dor lehrt Philipp: Sien Rookengels ut‘n Droom heet Rookmellers un wat dat mit düsse Dinger op sik hett, dat künnt Kinner nu in en lütt Heft nipp un nau lehren. Op Platt. Denn Brandschuul un Plattdüütsch, dat passt op’t Best tosamen.
Lüüd vun de Füerwehr, ut de Ministerien un de Politik to Besöök in en 1. Klass vun de Grundschool Eidertal in MolfseeFrühe Brandschutzbildung - auf Platt
(PM) Die Sicherheits- und Brandschutzerziehung setzt bewusst bei Kindern im Kindergarten- und Grundschulalter an. Die Kinder sollen frühzeitig den richtigen Umgang mit Feuer und Rauch sowie das richtige Verhalten bei Gefahren und Notfällen lernen. Um das zu unterstützen, stellt das Land Schleswig-Holstein 75.000 Hefte zur Brandschutzerziehung zur Verfügung – und das sogar auf plattdeutsch.
Die Hefte „Philipp un sien Rookengel“ wurden am 5. Februar 2025 durch Innenministerin Dr. Sabine Sütterlin-Waack und Bildungsstaatssekretärin Dr. Dorit Stenke stellvertretend an den Landesfeuerwehrverband Schleswig-Holstein, an die Grundschule Eidertal in Molfsee stellvertretend für alle Grundschulen in Schleswig-Holstein und an das Zentrum für Niederdeutsch im Landesteil Schleswig übergeben.
Innenministerin Dr. Sütterlin-Waack: „Die Brandschutzerziehung in den Kindertagesstätten und Grundschulen ist eine sehr wichtige Aufgabe unserer Feuerwehren. Kinder wissen oft schon sehr früh, dass Rauch und Feuer gefährlich sind. Das Heft „Philipp un sien Rookengel“ erklärt kindgerecht, wie man mit diesen Gefahren umgeht. Ich freue mich sehr, dass wir dieses Projekt in Schleswig-Holstein umsetzen konnten und bedanke mich ganz herzlich bei allen Beteiligten!“
Bildungsstaatsekretärin Dr. Dorit Stenke ergänzte: „Ich freue mich sehr, dass wir mit den Büchlein das Lesen stärken, das Plattdeutsche fördern und gleichzeitig auf das wichtige Thema Brandschutz aufmerksam machen können. Manchmal sind es die kleinen Initiativen wie diese, mit denen es gelingt, Kinder für ein so wichtiges Thema zu sensibilisieren.“
Brandschuul op Platt: Een Akschoon un veele Winners!
Düsse Brandschuul op Platt hett dat Land Sleswig-Holsteen föddert un tosamen mit den Lannesfüerwehrverband Sleswig-Holsteen (LFV SH) un dat Plattdüütsch-Zentrum Landsdeel Sleswig op de Been stellt. Dat schall Kinner in Kitas un Grundscholen bipuuln, woans een seker mit Füer un Flammen ümgahn deit.
„Niederdeutsch und Brandschutzerziehung so kreativ miteinander zu verbinden, ist eine wirklich tolle Idee . . . Damit schaffen wir einen weiteren Baustein, Plattdeutsch für die Kinder alltäglich zu machen“, meent Johannes Callsen. He is de Beopdragte vun‘n Ministerpräsidenten för Minnerheiten un Plattdüütsch. Füer un Flamm is sotoseggen ok Gesa Retzlaff vun’t Plattdüütsch Zentrum Leck, de dat Projekt för uns Land anstött hett. Se is sik wiss, dat düsse Akschoon veel Winners hett: „Mit „Philipp un sien Rookengel“ kann nu en wichtige Buusteen to dat Thema Brandschuul in de Kitas un Scholen intrecken un vun dor liekdör bet in de Familien, en gode Portschoon Platt gifft dat noch opto.“
Mit Biller un lütte Texten de eersten Brandschuul-Regeln lehren
Un de Portschoon Platt süht ok noch fein ut. Lütt as en Pixi-Book, mit feine Biller vun Judith Drews un korte, passen Texte dorto vun Nina Neef. De sünd reinweg ut’t Leven vun so’n lütt Buttjer schreven. Denn dat kann jedeen passeren, dat jichtenswat anfangt to brennen. Un denn is Holland in Noot. Wat een doon mutt, dat verkloort düt lütte Heft: Nich versteken, nich weglopen, sünnern luut na Hölp ropen un dat Wichtigste: de Nummer 112 anropen. Dat is de Nummer för den Nootfall.
All düsse Brandschuul-Regeln staht nipp un nau in düsse Geschicht. Un natürlich kriegt de Kinner ok to weten, wat dat mit de Rookengels op sik hett. Dat sünd nämlich in Würklichkeit Rookmellers. Un de sünd wichtig för tohuus, denn wenn dat mal brennt, denn maakt de batz Alarm in’t ganze Huus. Sotoseggen en Rookengels-Chor. Wo de Rookmeller henmööt un wat de all’ns künnt, dat steiht in düt lütt Heft - op Platt. Twee Flegen mit een Klapp sotoseggen, wat de Billen un den Brandschuul in Kitas un Scholen angeiht.
De Idee för dat Brandschuul-Heft kümmt ut Ostfreesland
Opsnappt hett Gesa Retzlaff dat Projekt all 2021 bi de Ostfreesche Landschop. De hebbt dat lütte Brandschuul-Heft op oostfreesche Platt op’n Weg bröcht. Un vun dor hett se Kuntakt opnahmen: to den Lannesfüerwehrverband Sleswig-Holsteen, to uns Minnerheiten-Beopdragten Johannes Callsen, to de Referentin för Regional- un Minnerheitenspraken in dat Billensministerium Karen Nehlsen. Bet dat denn klappt hett, ok för Sleswig-Holsteen en egen Utgaav op Platt to maken. Mit 20 000 Euro Föddergeller sünd denn 75 000 Heften druckt wurrn un könen in Kitas un Scholen verdeelt warrn. Düsse Miniböker hölpt nu dorbi, dat de Lütten all vun Anfang an weet, wat to doon is, wenn dat brennt.
Brandschuul kann Leven redden . . .
Frank Lobitz vun‘n Lannesfüerwehrverband SH is sik jedenfalls seker: „Die Brandschutzerziehung ist eine essenzielle Aufgabe der Feuerwehren. Durch die Aufklärung der Kinder werden nicht nur Gefahren vermieden, sondern im Zweifel sogar Leben gerettet. Dass wir mit „Philipp un sien Rookengel“ nun ein Büchlein in niederdeutscher Sprache zur Verfügung haben, verbindet das Brandschutzwissen mit der Pflege unserer regionalen Sprache: eine großartige Kombination hier in Schleswig-Holstein.“
Wodennig kumm ik nu an düsse lütten Böker?
Du muchst dorbi hölpen düsse feinen Mini-Böker ünner de Kinner un Öllern to kriegen? Geern! Mell di bi dien Füerwehr tohuus un vertell vun de Akschoon. De hebben Lüüd, de sik um de Brandschuulbillen in Kitas un Grundscholen kümmern, un kriegen de Heften bi de Lannsfüerwehrverband. Ok bi uns in't Plattdüütsch Zentrum kannst du di geern mellen, wi hölpen dorbi, dat jem mit jemme Bedarf utstatt warrn.
Dat hett bannig Indruck maakt, op de sleswig-holsteensche Binnenministerin Dr. Sütterlin-Waack, wat de Schölers vun Lehrerin Martina Böschen al allens över Brandschuul weten.
Frank Lobitz vun‘n Lannesfüerwehrverband Sleswig-Holsteen harr sien Freud an dat Quiz to de Brandschuul un de plietschen Fragen un Antwoorden vun de 1. Klässlers.