platt.best - Drift vun Harten

Drift vun Harten

Logo Platt Best - Dirft vun Harten

Platt bi't Spelen lehren Audio

Memory, dat Speel ut den Ravensborger Verlag, kennt wull Lütt un Groot. Siet över sösstig Johr is dat nich mehr ut uns Speelkisten wegtodenken. Eenfach all Bildkoorten ümdreiht op den Disch leggen un denn muttst du blots noch den richtigen Passer finnen. Dor mutt man oppassen, genau henkieken un sien Bregen gehörig anstrengen. En Speel na de Oort gifft dat nu ok op Plattdüütsch: „Twee tosamen“ heet dat. Man hier geiht dat nich blots dorüm, de richtigen Biller passend to söken, hier hett jedeen Bild twee Passer. Un dat geiht so: Op jedeen Kort is en Bild, en Tahl un en plattdüütschen Begriff.  Nehmt wi mal de Kort mit de 10. Op de eerste Kort is dat Bild vun en Jung, de teihn Finger hochhöllt. Dor ünner steiht de passen Begriff: „De Finger“. Dorto höört en Bild mit twee Hannen un teihn Finger un de Satz: „De Jung hett teihn Finger.“  To de Tahl teihn gifft dat aver nu noch en Poor: „De Töhn“. Un dorto passend: „De Deern hett teihn Töhn“. Un so geiht dat mit de annern Korten wieder. Dat sünd Gegenstänn, Deerten, Körperdelen un allens, wat een so in‘n Alldag in de Mööt kümmt. Un wat Kinner kennt.

drei Memo-KartenpaareSo seht en poor vun de Koortenporen ut.
#HochDeutsch

Spiel zur Förderung der Mehrsprachigkeit

Mit dem Spiel Twee tosamen, wird nach dem bekannten Spielprinzip von Suchen und Finden verschiedener Karten-Paare, eine Sprachbegegnung mit der Regionalsprache Niederdeutsch möglich . 

Es werden die Zahlen von 1 bis 12 sowie Worte aus verschiedenen Bereichen, wie Gegenstände, Körperteile, oder Tiere, vermittelt. In einfachen kurzen Sätzen, die zum Zählen, Sprechen und Lesen „op Platt“ motivieren, finden sich Begriffe und Zahlen schließlich wieder. Jede Karte bietet den Spielerinnen und Spielern damit einen Sprachanlass auf Niederdeutsch und fördert die Kommunikation in der Regionalsprache.

Die Spielkarten bieten mit der Option „Zahlenquartett“ eine zweite Spielvariante, mit der das Zählen von 1 bis 12 auf Platt spielerisch erlernt werden kann.

Zeitgemäß illustriert und in der Rechtschreibung den Regeln nach SASS folgend empfiehlt sich Twee tosamen für Klein und Groß in Kitas, Grundschulen und für Zuhause.

Speelideen gifft dat noog: Quartett mit Tahlen un Biller

Dat gifft verscheden Speelideen för düt plattdüütsche Memo-Speel: Du kannst Quartett dormit spelen un all veer passen Poren mit de sülvige Tahl tosamensöken. Dorbi künnt de Lütten allerbest de Tahlen op Platt lehren. Un wenn all twölf Quartetten funnen sünd, denn künnt se vun een bit twölf tellen öven.

Pore finnen un dor över snacken

Bi de twete Speelidee  sammelst du Poren mit de glieke Tahl oder mit dat glieke Motiv. Dor künnt de Lütten de plattdüütschen Wöör kennenlehren un se lehrt sogor Einzahl un Mehrzahl vun de enkelten Begrepen. Un de Groten künnt wunnerbor över de Biller mit de Lütten snacken. Bi’n Football to’n Bispill: Machst du ok geern Football spelen? Un woans heet dien Kumpels bi’t Spelen? Oder: Hest du ok teihn Finger? Tell man lever mal na.

Düt Speel is wat för Kitas, Scholen, Pleeginrichtens un för Tohuus

In düt eenfache Speel steekt en Barg Potential, üm de plattdüütsche Spraak an de Lütten (oder ok Groten) wiedertogeven. De Idee un dat Konzept is vun Inga Seba-Eichert vun‘n Lümborgschen Lannschopsverband. De Illustratorin Dunja Schnabel hett wunnerbor eenfache un kindgerechte Motive tekent. Bi’t Malen hett se glieks en beten Platt lehrt, so schrifft se begeistert bi Instagram. Füer un Flamm för dat Konzept un de verscheden Speelideen sünd ok twee Kita-Pädagoginnen, de dat Speel vörweg mit Kinner testet hebbt. Aver düt Memo-Speel hett ok dat Tüüg för Scholen, för Tohuus, bi Oma un Opa, in Fortbillen un sogor in de Pleeg.

Dat Speel kann een bi den Internet-Bökerladen Plattschapp för 19,90 Euro köpen oder ok bi uns in't Plattdüütsch-Zentrum Leck kriegen.

Text / Fotos: Heike Thode-Scheel / Plattdüütsch-Zentrum
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...