Plattdüütsch schrieven lehren
mit en Arbeitsheft Audio
„Plattdüütsch richtig schrieven – gor nich swoor“, heet en Arbeitsheft vun dat IQSH. 19 Regeln, fix verkloort, mit Övungen un bavento noch en Learning-App.
„Viele Leute wissen ja gar nicht, dass es im Plattdeutschen auch Rechtschreibregeln gibt“, meent Karen Nehlsen, „de glöövt, se köönt so schrieven, as se wöllt.“ Se is Lannesfachberaderin för Nedderdüütsch an’t IQSH (Institut för Qualitäts-Entwickeln an Scholen in Sleswig-Holsteen). Wo veele Schrievseminare un Fortbillen se al achter sik hett, dat weet de Plattsnackerin nich mehr. Aver eens is ehr dorbi kloor wurrn: „Ich bin viel unterwegs und habe gemerkt: Es ist ein Kreuz mit dem Schreiben. Es behindert beim Lernen und Lehren.“ Un dorüm keem ehr de Idee, en Oort Övungsheft mit Opgaven för de Schoolmeisters to maken.
Mit dat brede Anbott to'n Öven maakt Plattdüütsch richtig schrieven richtig Spaaß.Arbeitsheft zum
Rechtschreiben
Plattdeutsch kann man schreiben, wie man will ? Nein. Denn auch für Platt gibt es bestimmte Rechtschreibregeln. In dem Heft „Plattdüütsch richtig schrieven – gor nich swoor“ werden die 19 wichtigsten Regeln vorgestellt. Mit Übungen, Survival-Platt und einer Learning-App.
Da macht plattdeutsche Rechtschreibung richtig Spaß!
Platt steiht bi Modellscholen op’n Stünnenplaan
Dorför hett se sik twee anner „Topp-Platt-Expertinnen“ mit in’t Boot haalt: Christiane Ehlers vun’t Nedderdüütsch-Sekretariat in Hamborg un Marianne Ehlers. Se weer lange Tiet Platt-Referentin bi’n Sleswig-Holsteenschen Heimatbund un hett jüst so as Karen Nehlsen hunnerte vun Fortbillen för Schoolmeister op’n Buckel. Denn middewiel steiht jo an över veerdig Modellscholen in’t Land Plattdüütsch op’n Stünnenplaan. Un dor mööt ok de Schoolmeisters flietig tolehren.
19 Regeln un veele Opgaven schüllt hölpen
Also hebbt de Dree sik tosamensett un in en halvet Johr weer dat Heft „Plattdüütsch richtig schrieven – gor nich swoor“ trecht. För de Platt-Expertinnen gifft dat keen wenn un aver: De Regeln mööt eenheitlich ween un de Schoolmeisters mööt de butenkopps könen– so as de hoochdüütschen Regeln ok. Un dormit dat beter in‘n Kopp backen blifft, gifft dat verscheden Opgaven to lösen. „Das ist das erste Heft nur mit Rechtschreibung“, vertellt Karen Nehlsen stolt. Un dat is ok al lang nödig, nickköppt Marianne Ehlers, denn „wenn man Platt spricht, kann man es noch lange nicht schreiben. Es ist für die meisten Menschen eine reine Sprechsprache.“ Dat geiht ok Gesa Ramm so. De Böverste vun’t IQSH kann goot Platt verstahn, „schnacken ist schon schwieriger, aber schreiben, das ist ganz schwierig“. Dorüm is se ok Füer un Flamm för dat Rechtschriev-Heft.
Bavento gifft dat ok noch QR-Codes as Learning-App
Op de eersten Sieden vun dat Heft staht nu de 19 wichtigsten Regeln mit passen Bispelen. Un denn gifft dat sowat as „Survival-Platt“ – also, wat de Lüüd bruukt, üm Dag un Tschüss to seggen, üm Fragen to stellen oder sik vörtostellen. Natürli ok de Tahlen, de Farven un de Fraagwöör. Tja un denn geiht dat sotoseggen üm de Wust. To jedeen Regel kaamt Opgaven. Dor kann een denn sehn, ob een de Regeln intus hett.
Dat Heft för de Schoolmester is jüst so opbuut as de Schoolhefte för de Kinner. Un wokeen al en beten beter dorvör is, de kann denn de Övungen för Fortgeschrittene maken. Dorto hebbt de Dree Texte vun plattdüütsche Dichterslüüd rutsöcht. De mööt na de lehrten Regeln korrigeert warrn. To’n Sluss gifft dat noch en digitalen Bonscher: Twölf QR-Codes mit Övungen –as Learning-App. Dor kann een denn glieks mit‘ Handy oder Tablet losleggen.
„Hier hest du eenfach allens op’n Dutt“
„Rechtschrieven mutt gor nich dröög ween“, meent ok Christiane Ehlers vun’t Nedderdüütsch-Sekretariat. Aver richtig schrieven is swoor: „Das ist wohl die größte Herausforderung“, dor is sik de Plattschnackerin seker. „Aber mit diesem Heft haben wir eine Lücke geschlossen – und daraus könnte eine schöne Reihe werden.“ Karen Nehlsen glöövt, datt dat Heft ok sien Platz an de Uni finnen warrt. Oder bi anner plattdüütsche Lüüd, de geern wat schrieven un lesen doot. „Hier hest du enfach allens op’n Dutt“, smüüstert Karen Nehlsen. „Dat gifft mehr Sekerheit un Tovertruen bi’t Schrieven.“ Dat Heft kann een sik rünnerladen oder för twee Euro bestellen. Un denn klappt dat ok mit Plattdüütsch schrieven. Dat is gor nich swoor!
Link to'n Rünnerladen vun dat Arbeitshefft "Plattdüütsch richtig schrieven - gor nich swoor"
Karen Nehlsen, Lannesfackberaderin för Plattdüütsch un Koordinatorin för Regional- un Minnerheitenspraken bi dat IQSH hett de Anstött geven för dat Arbeitsheft.
Un de veer hebbt dat Rechtschriev-Heft denn op de Been stellt: Marianne Ehlers, Gesa Ramm, Christiane Ehlers un Karen Nehlsen.